Napad na apteku: farmaceŭtka klikała na dapamohu, ale ŭsie prachodzili mima
Vypadak adbyŭsia ŭ Hrodnie na vulicy Janki Kupały,paviedamlaje sajt hrodzienskaj milicyi.
23-hadovy chłopiec zajšoŭ u apteku i kali ŭ pamiaškańni nikoha nie zastałosia, aproč jaho i pradaŭca, vyciahnuŭ ź vitryny niekalki pačkaŭ fitaharbaty i fłakon karvałołu.
Adnak aptekar akazała jamu aktyŭny supraciŭ, u vyniku bojki napadnik pry padzieńni stuknuŭsia hałavoj ab prystupki.
Usio heta adbyvałasia na vačach prachožych, ale, niahledziačy na kryki ab dapamozie, žančynie nichto nie dapamoh, i złačynca ŭciok. Ale ŭ rukach aptekara zastałasia majka rabaŭnika.
Akramia taho, na miescy złačynstva jon pakinuŭ adbitak palcaŭ, pa jakim złamyśnika i złaviła milicyja.
Maładoha čałavieka znajšli ŭ adnym z prytonaŭ. Darečy raniej jon skraŭ u svajho baćki televizar.