Na Prypiaci patanuŭ namieśnik načalnika łuninieckaj milicyi
Padpałkoŭnik Anatol Šostak, namieśnik kiraŭnika łuninieckaj milicyi pa kadrach, patanuŭ padčas rybałki.
Ranicaj 1 červienia na Prypiaci adbyŭsia niaščasny vypadak: pierakuliłasia łodka, u jakoj znachodzilisia try čałavieki. Dvoje mužčyn paśpieli vypłyć, adzin, niahledziačy na dobruju fizičnuju padrychtoŭku, — nie. Patanułym apynuŭsia namieśnik načalnika Łuninieckaha RAUS Anatol Šostak. Cieła źniesła ciačeńniem, pošuki praciahvajucca druhija sutki.
Anatol Šostak pryjechaŭ ź siabrami na rybałku. Jak kažuć vidavočcy, łodku pierakuliła vietram.
Na pošuki cieła adrazu ž vyjechali ratavalniki Łuninieckaha RANS, śpiecyjalnaje padraździaleńnie vadałazaŭ ź Pinska, kalehi, u tym liku z Bresckaha UUS. Na viečar 2 červienia pošuki nie prynieśli vynikaŭ.
Anatol Šostak pracavaŭ namieśnikam načalnika Łuninieckaha RAUS pa kadravych pytańniach. U jaho zastalisia žonka i syn-školnik.