Čarhovaje zdareńnie ŭ minskim mietro: 20 chvilin nie chadzili ciahniki na pieršaj linii
Ruch elektryčak byŭ spynieny prykładna ŭ 14.30. Na stancyi «Kastryčnickaja» ciahniki stajali na płatformie z adčynienymi dźviaryma.
Dyśpietčar mietrapalitena pa sielektary paviedamlaŭ, što ruch pa pieršaj linii «prypynieny pa techničnych pryčynach» i prapanoŭvaŭ skarystacca naziemnym transpartam ci pačakać adnaŭleńnia ruchu na płatformie.
Milicyja pierakryvała ŭvachod na eskałatary i płatformu, dzie sabrałasia vialikaja kolkaść ludziej.
Prykładna ŭ 14.54 ruch byŭ adnoŭleny.
U Minskim mietrapalitenie situacyju pakul nie kamientujuć. U HUUS Minharvykankama paviedamili, što nijakich zdareńniaŭ pa ich linii ŭ mietro nie adbyvałasia. Pavodle najaŭnaj infarmacyi, byli techničnyja niepaładki.