Pa spravie ab zabojstvie Hanny Palitkoŭskaj aryštavanyja 10 čałaviek
«My surjozna prasunulisia ŭ raśśledavańni kryminalnaj spravy pa fakcie zabojstva žurnalistki Palitoŭskaj», ‑‑ zajaviŭ hienprakuror Rasiei padčas sustrečy z prezydentam Pucinym.
«My surjozna prasunulisia ŭ raśledavańni kryminalnaj spravy pa fakcie zabojstva žurnalistki Palitoŭskaj», ‑‑ skazaŭ Čajka padčas sustrečy z prezydentam Pucinym.
Pavodle słovaŭ hienprakurora, «na siońniašni dzień pa hetaj spravie aryštavanyja 10 čałaviek, litaralna ŭ najbližejšy čas im budzie vystaŭlena abvinavačańnie va ŭčynieńni hetaha ciažkoha złačynstva». Žurnalistka była zabita ŭ padjeździe svajho domu7 kastryčnika minułaha hodu.
Miž tym, pradstaŭnik Maskoŭskaha haradzkoha sudu paviedamiła, što Basmanny sud rasiejskaj stalicy sankcyjanavaŭ aryšt vaśmi padazravanych pa spravie. U suviazi z hetym paviedamleńniem Prakuratury redakcyja «Novoj haziety» paćvierdziła, što z 15 pa 23 žniŭnia sapraŭdy byli praviedzienyja aryšty dziesiaci čałaviek.
Siarod ich jość členy «bujnoj etničnaj złačynnaj hrupoŭki, jakaja specyjalizujecca na zakaznych zabojstvach».
Pavodle «Novoj haziety», u ich lik uvachodziać supracoŭniki (byłyja i dziejnyja) pravaachoŭnych orhanaŭ i specsłužb, što brali na siabie «zakazy» na «aperatyŭnaje supravadžeńnie» zabojstvaŭ i inšych złačynnych akcyj i jakija zajmalis ŭłasnym biznesam: rekietam.
«Novaja hazieta» pravodzić ułasnaje žurnalisckaje raśśledavańnie zabojstva Palitkoŭskaj. U paviedamleńni adznačajecca, što pretenzij da tych, chto aficyjna raśśleduje zabojstva Palitoŭskaj, niama.
Hałoŭny redaktar Dźmitryj Murataŭ zajaviŭ Interfaksu, što ličyć dovady śledstva «nadzvyčaj pierakanaŭčymi i prafesijnymi». Redakcyja «Novoj haziety» robić vysnovu, što zabojstva žurnalistki było padrychtavana skurpulozna: dziejničali prafesijanały, jakija ŭžo mieli dośvied «rašeńnia takich prablem».
Razam z tym, hazeta miarkuje, što kazać pra zakazčykaŭ zabojstva jašče rana. «Vialikaja niebiaśpieka pieradvybarčych palityčnych specaperacyj vakoł akaličnaściaŭ» zabojstva, zaznačaje «Novaja hazieta».