Z 16 červienia internet-kramy Biełarusi abaviazanyja buduć vykarystoŭvać kasavy aparat
Z 16 červienia ŭstupaje ŭ siłu pastanova Savieta ministraŭ Biełarusi, jakaja pašyraje vypadki abaviazkovaha vykarystańnia kasavaha abstalavańnia. Pad abaviazacieńni padpali i internet-kramy.
U adroźnieńnie ad raniejšaha paradku, pastanovaj № 139/16 pašyrajucca vypadki abaviazkovaha vykarystańnia kasavaha abstalavańnia, u tym liku pry ažyćciaŭleńni handlu pa ŭzorach z dastaŭkaj tavaraŭ na dom ci inšaje miesca.
Jak adznačaje Minhandlu, pryjom najaŭnych hrašovych srodkaŭ pry ažyćciaŭleńni handlu pa ŭzorach z dastaŭkaj tavaraŭ na dom ci inšaje miesca da 16 červienia 2013 h. moža ažyćciaŭlacca biez vykarystańnia kasavaha abstalavańnia, pry hetym kožny fakt pryjomu najaŭnych hrašovych srodkaŭ pavinien być aformleny kvitancyjaj № 34. Z 16 červienia 2013 pryjom hrošaj moža ažyćciaŭlacca tolki z vykarystańniem kasavaha abstalavańnia niezaležna ad najaŭnaści (adsutnaści) kasavaha abstalavańnia ŭ handlovych abjektach jurydyčnych asob i indyvidualnych pradprymalnikaŭ, jakija ažyćciaŭlajuć takuju dziejnaść.