Vizavyja sankcyi suprać Makieja mohuć być źniatyja ŭžo ŭ červieni
Dziaržavy Jeŭrasajuza nabližajucca da pahadnieńnia ab tym, što abmiežavańni ES, jakija prymianiajucca ŭ dačynieńni da ministra zamiežnych spraŭ Biełarusi Uładzimira Makieja, mohuć być prypynienyja ŭžo ŭ červieni, paviedamiŭ 11 červienia namieśnik ministra zamiežnych spraŭ Litvy Andrus Kryvas.
Pavodle jaho słoŭ, prypynieńnie sankcyj budzie časovym i pieryjadyčna budzie pierahladacca. Taksama Kryvas adznačyŭ, što pytańnie pradstaŭnictva Biełarusi na samicie Uschodniaha partniorstva ŭ Vilni ŭ listapadzie pakul zastajecca adkrytym.
Takoje prypynieńnie mahčymaje na peŭny pieryjad, jaki Makiej budzie zajmać pasadu ministra zamiežnych spraŭ. Tut važna akcentavać, što, kali takoje pahadnieńnie budzie dasiahnutaje pamiž členami ES, to hetyja miery ŭ dačynieńni da Makieja buduć nie adklikanyja, a mienavita prypynienyja», — cytuje Kryvasa litoŭski partał Delfi sa spasyłkaj na infarmacyjnaje ahienctva BNS.«Na samaj spravie ŭnutry ES abmiarkoŭvajecca, i
dziaržavy-členy nabližajucca da pahadnieńnia ab tym, što dla taho, kab padtrymać kanały kamunikacyi ź biełaruskimi ŭładami, treba prypynić znachodžańnie Uładzimira Makieja ŭ śpisie asob, u dačynieńni da jakich prymianiajucca abmiežavańni ES.
Spynieńnie abmiežavańniaŭ, jak śćviardžaje Kryvas, pavinna pieryjadyčna razhladacca ŭ Saviecie ES adnačasova z usim pakietam abmiežavalnych mier adnosna Biełarusi.