Dziaržduma Rasii pryniała zakon ab «nietradycyjnych adnosinach»
«Za» prahałasavali 436 deputataŭ, adzin ustrymaŭsia.
Dziaržaŭnaja duma Rasii pryniała zakon «ab prapahandzie nietradycyjnych seksualnych adnosin siarod niepaŭnaletnich», paviedamlaje
Adzin z aŭtaraŭ zakonaprajekta Alena Mizulina raniej paviedamiła, što deputaty prybrali z tekstu słova «homaseksualizm», zamianiŭšy jaho na termin «nietradycyjnyja seksualnyja adnosiny».
U zakonie taksama źjaviłasia tłumačeńnie termina «prapahanda».
Zhodna z zakonaprajektam, za «raspaŭsiud infarmacyi, nakiravanaj na farmiravańnie ŭ niepaŭnaletnich nietradycyjnych seksualnych ustanovak, pryvabnaści nietradycyjnych seksualnych adnosin, skažonaha ŭjaŭleńnia ab sacyjalnaj raŭnacennaści tradycyjnych i nietradycyjnych seksualnych adnosin albo naviazvańnie infarmacyi ab nietradycyjnych seksualnych adnosinach, jakija vyklikajuć cikavaść da takich adnosin» uvodzicca štraf.
Dla hramadzian jon dasiahaje da 4–5 tys. rubloŭ. Dla słužbovych asob hetaja suma apyniecca bolšaj u 10 razoŭ, a dla jurydyčnych — štraf moža dasiahać 1 młn rasijskich rubloŭ.Pry hetym, jak adznačajecca ŭ dakumiencie, štrafy buduć pavialičvacca, kali ŭ prapahandzie buduć zadziejničanyja ŚMI ci internet.
U zakonie asobna ŭstanaŭlivajecca adkaznaść zahiej-prapahandu dla zamiežnych hramadzian. Akramia štrafaŭ, takija asoby mohuć być pakaranyja prymusovym vyhnańniem za miežy Rasii i aryštam na termin da 15 sutak.