Babroŭ zamieniać na siabroŭ
Pivavarnia «Siabar» planuje praryŭ na rynki susiednich krainaŭ. Na siońnia adbyvajucca pieramovy pa pastaŭkach piva «Bobrov». Na čarzie — «Siabar».
Pivavarnia «Siabar» planuje ŭ bližejšy čas vyjści na rynki susiednich krainaŭ. Pra heta žurnalistam paviedamiŭ staršynia rady dyrektaraŭ kampanii «Siabar» Siarhiej Levin. Ekspartny varyjant babrujskaha piva budzie na 40% daražejšy, čym piva, što realizujecca ŭnutry krainy.
«Ciapier my prasoŭvajem «Bobrov», a jon u svaju čarhu pavinien prakłaści darohu «Siabru»« — raspavioŭ S. Levin.
Pavodle staršyni rady dyrektaraŭ, kampanija planuje zakupić u «Biełsoładu» kala 22 tys.t. soładu.
«Faktyčna my — pakupnik numar soładu ŭ Biełarusi» — padzialiŭsia sp. Levin.
Na siońnia pivavarnaja kampanija «Siabar» zasvoiła blizu $55 młn. Ad momantu zasnavańnia jana demanstruje imklivy rost, što dazvoliła joj vyrvacca ŭ lidery ajčynnaha rynku i trapić na druhoje miesca.
Adkazvajučy na pytańni pra perspektyvy pivavarnaj haliny ŭ śviatle zajavaŭ prezydenta ab zhortvańni zamiežnych investprajektaŭ, S. Levin zapeŭniŭ, što ich heta niedatyčyć:
«My — niedziaržaŭnaje pradpryjemstva, a što datyčyć dziaržaŭnych, to, dumaju, kali im pastaviać zadaču pryciahnuć srodki, jany jaje vykanajuć».