Miaśnikovič — uradu: Nieabchodna aptymizavać kolkaść biudžetnikaŭ
Źleva naprava: Snapkoŭ, Makiej, Prakapovič, Siamaška
Premjer-ministr Biełarusi Michaił Miaśnikovič daručyŭ svajmu namieśniku Piatru Prakapoviču prapracavać z Nacyjanalnym bankam pytańnie dalejšaha źnižeńnia koštu kredytaŭ. Pra heta jon zajaviŭ na pasiadžeńni Savieta Ministraŭ.
Pavodle słoŭ premjer-ministra, pieradumovy dla takoha źnižeńnia jość: stabilny valutny rynak, panižany ŭzrovień inflacyi. "Urad čuje arhumienty Nacyjanalnaha banka, ale rašeńni kiraŭnika dziaržavy pa sacyjalna-ekanamičnamu raźvićci krainy i hrašova-kredytnaj palitycy pavinny vykonvacca", - padkreśliŭ jon.
Michaił Miaśnikovič taksama źviarnuŭ uvahu na pytańni aptymizacyi kolkaści biudžetnikaŭ. Na jaho dumku, reziervy dla hetaha jość.Prykład — vializnyja štaty ŭ rajadździełach adukacyi, vialikaja kolkaść tych, chto pracuje kala adukacyjnych struktur - respublikanskija instytuty, abłasnyja instytuty raźvićcia adukacyi, rajonnyja vučebna-mietadyčnyja kabiniety. Tolki ŭ adnym instytucie raźvićcia adukacyi Minska - 276 čałaviek. Premjer-ministr daručyŭ svajmu namieśniku Anatolu Toziku, abłvykankamam i Minharvykankamu apieratyŭna pryniać miery pa rašeńni hetaha pytańnia.