Maci Andreja Hajdukova dazvolili vystupić u jakaści śviedki pa jaho spravie
Viciebski abłasny sud, dzie prachodzić słuchańnie kryminalnaj spravy Andreja Hajdukova, dazvoliŭ jaho maci vystupić u jakaści śviedki.Pra heta paviedamiła viciebskaja pravaabaronca Taćciana Sieviaryniec, jakaja sočyć za chodam pracesu.
Zakryty sud nad
«Ja ranicaj sustrełasia z advakatam. Jon kaža, što, miarkujučy pa tym, jak idzie praces, nie vyklučana, što pasiadžeńni mohuć atrymać praciah i na nastupnym tydni», — skazała pravaabaronca.
Advakat taksama paviedamiŭ, što zadavolena chadajnictva abarony ab pryciahnieńni da pracesu ŭ jakaści śviedki maci Hajdukova. «Joj dazvolili vystupić jak śviedcy, ale kali jaje vykličuć u sud, pakul nie viadoma. Dla jaje heta budzie choć niejkaja mahčymaść ubačyć syna», — adznačyła Sieviaryniec.
Jana nahadała, što 14 červienia Volha Hajdukova napisała zajavu na imia staršyni Viciebskaha abłasnoha suda z prośbaj dazvolić spatkańnie z synam, ale adkaz pakul nie atrymany.
***
- Apieratar navapołackaha NPZ «Naftan» Andrej Hajdukoŭ, lidar niezarehistravanaha hramadskaha abjadnańnia «Sajuz maładych intelektuałaŭ» i aktyvist arhkamiteta pa stvareńni partyi «Biełaruskaja chryścijanskaja demakratyja», byŭ zatrymany 8 listapada 2012 hoda. Pavodle viersii śledstva — «u momant zakładki tajnika sa źviestkami, što cikaviać zamiežnyja śpiecsłužby». Paśla zatrymańnia jaho pieraviali ŭ śledčy izalatar KDB u Minsk. Potym maładoha čałavieka nieadnarazova pieravozili ź Minska ŭ Viciebsk i nazad. Na padstavie artykuła 356 Kryminalnaha kodeksa (zdrada dziaržavie ŭ formie praviadzieńnia ahienturnaj dziejnaści) Hajdukovu pahražaje ad 7 da 15 hadoŭ pazbaŭleńnia voli.
- Na dumku pradstaŭnikoŭ apazicyi i pravaabaroncaŭ, pryčynaj zatrymańnia Hajdukova stała jaho aktyŭnaja hramadskaja dziejnaść. Napiaredadni pačatku pracesu pravaabaroncy i pradstaŭniki hramadskaści źviartalisia da ŭład z prośbaj zrabić sudovy praces adkrytym, adnak ich prośba nie była pačutaja.