Nacbank: Pakul pieradumovaŭ da devalvacyi niama
Namieśnik staršyni praŭleńnia Nacbanka Taras Nadolny zajaviŭ žurnalistam 19 červienia ŭ Minsku, što Nacyjanalny bank Biełarusi nie bačyć pieradumovaŭ da pasłableńnia kursu biełaruskaha rubla.
«Ciapier makraekanamičnych pieradumovaŭ da pasłableńnia biełaruskaha rubla niama. Ja
k situacyja budzie raźvivacca da kanca hoda, pahladzim, ale pakul pieradumoŭ da devalvacyi rubla niama», — skazaŭ Nadolny.
Jon padkreśliŭ, što siońnia sistema kursaŭtvareńnia aryjentavana na popyt i prapanovu. «Ciapier Nacbank ažyćciaŭlaje stanoŭčyja interviencyi, heta značyć my vykuplajem lišak valuty, jaki jość na rynku, dla taho kab nie spryjać zališniamu ŭmacavańniu rubla», — skazaŭ Nadolny.
Jon zajaviŭ, što ŭ Nacbanku nie pieraśledujuć mety «mocnaha ŭmacavańnia rubla».Pa słovach Nadolnaha, kali ŭ dalejšym situacyja na valutnym rynku budzie spryjać mocnamu pasłableńniu rubla, to Nacbank budzie spakojna i strymana kaardynavać hety praces dla zhładžvańnia rezkich vahańniaŭ.
Pradstaŭnik Nacbanka taksama adznačyŭ, što jość pieradumovy dla źnižeńnia staŭki refinansavańnia.«My ŭ svajoj pracy aryjentujemsia na makraekanamičnyja pakazčyki raboty ekanomiki, — skazaŭ jon. — Kali hetyja siehmienty buduć funkcyjanavać stanoŭča, to jość pieradumovy dla źnižeńnia staŭki. Ale rabić heta my budziem pastupova, spakojna, z ahladkaj na pracu ekanomiki».
Nadolny paviedamiŭ, što temp pryrostu rublovych układaŭ niekalki skaraciŭsia.«Ci źviazana heta sa źnižeńniem staŭki refinansavańnia, składana skazać. Napeŭna, heta akazała peŭny ŭpłyŭ. Ale pryrost pakul