Parłamient Kyrhyzstana prahałasavaŭ za vyhnańnie avijabazy ZŠA
Parłamient Kyrhyzstana ŭ čaćvier 20 červienia, prahałasavaŭ za denansacyju pahadnieńnia ab raźmiaščeńni na terytoryi respubliki avijabazy ZŠA.
Adpaviedny zakonaprajekt byŭ pryniaty adrazu ŭ troch čytańniach. Za jaho prahałasavaŭ 91 deputat, piaciora parłamientaryjaŭ vystupili suprać.
U adpaviednaści z zakonaprajektam, damova ab amierykanskaj avijabazie, aficyjna nazvanaj Centram tranzitnych pieravozak (CTP), budzie denansavana z 11 lipienia 2014 hoda.Rašeńnie deputataŭ ustupić u siłu paśla taho, jak pryniaty imi zakonaprajekt budzie padpisany prezidentam respubliki.
U 2014 hodzie minaje termin dziejańnia pahadnieńnia pa bazie. Tearetyčna jano mahło być padoŭžanaje, adnak ciapierašniaje kiraŭnictva Kirhizii nieadnarazova zajaŭlała, što nie źbirajecca pakidać na svajoj terytoryi hety abjekt daŭžej nazvanaha terminu. Ciapier pazicyja Biškieka zafiksavana aficyjna.