Bialackaha naminavali na premiju Vacłava Haŭła
Bolš za 30 niaŭradavych arhanizacyjaŭ Polščy vyłučyli Alesia Bialackaha na premiju Vacłava Haŭła ŭ halinie abarony pravoŭ čałavieka. Z takoj inicyjatyvaju vystupiŭ polski fond Stefana Batoryja.
Uznaharoda Vacłava Haŭła ŭ halinie abarony pravoŭ čałavieka prysudžajecca adzin raz na hod Parłamienckaj asamblejaj Rady Jeŭropy (PARIE) u supracy ź Biblijatekaju Vacłava Haveła i fondam «Charta 77». Premija maje padkreślić vyklučnuju dziejnaść dziejačaŭ hramadzianskaj supolnaści, jakija pracujuć u śfiery abarony pravoŭ čałavieka ŭ Jeŭropie i za jaje miežami.
Upieršyniu abvieścili pra premiju sioleta 25 sakavika ŭ Prazie padčas cyrymonii padpisańnia dakumientaŭ ab supracy pamiž prezidentam PARIE Žanam-Kłodam Mińnionam, dyrektarkaju Biblijateki Vacłava Haŭła Martaju Smolikavaj i staršyniom kiroŭnaha kamitetu fondu «Charta 77» Franciškam Janocham. Na cyrymonii prysutničaŭ taksama ministr zamiežnych spravaŭ Čechii Kareł Švarcenberh.
Premija Vacłava Haŭła ŭ halinie abarony pravoŭ čałavieka zamianiła stvoranuju ŭ 2007 hodzie ŭznaharodu za namahańni ŭ prasoŭvańni pravoŭ čałavieka, jakaja prysudžałasia Parłamienckaj asamblejaj Rady Jeŭropy kožnyja dva hady: u 2009 hodzie joj uhanaravali brytanskuju arhanizacyju «Human Rights Watch», a ŭ 2011 hodzie – rasiejski Kamitet suprać katavańniaŭ.