Nad Polščaj sutyknulisia dva samaloty
+videa
Trahiedyja zdaryłasia ŭ Radamie padčas mižnarodnaha śviata avijacyi.
Trahiedyja zdaryłasia ŭ Radamie — heta centralnaja častka Polščy. U subotu, padčas mižnarodnaha śviata avijacyi, u pavietry sutyknulisia dva samaloty. Na vačach tysiačaŭ hledačoŭ zahinuli dvoje lotčykaŭ, čalcoŭ akrabatyčnaj hrupy «Žalezny». Pryčynaj vypadku była, vierahodniej za ŭsio, pamyłka pilota. Na miescy vypadku pracuje admysłovaja kamisija, kab vyjaśnić pryčyny zdareńnia.
Heta trahiedyja dla ŭsiaho asiarodździa lotčykaŭ, ciažka navat havaryć pra jaje — kaža Adam Sikora, kiraŭnik tearetyčnaha škaleńnia Aeraklubu ŭ Pšylepie.
A.Sikora: Heta našy kalehi. Ciažka navat niešta kazać pra takuju trahiedyju. Ja bačyŭ, jak jany treniravalisia — vielmi staranna, raźličvali kožny santymetar. Ja nie mahu pavieryć, što dva samaloty sutyknulisia takim trahičnym čynam. Jany vučylisia cełymi hadami. Ciažka skazać, chto zrabiŭ pamyłku. Treci pilot uratavaŭsia, jon nam raskaža, jak usio vyhladała ŭ pavietry. My nia viedajem, što nasamreč stałasia, čamu zdaryŭsia vypadak.
Z‑za trahičnaha zdareńnia ŭsie avijapakazy ŭ Radamie byli admienienyja.