Apazicyja Azierbajdžana vybrała supiernika Alijevu — heta aŭtar «Biełaha sonca pustyni»
U Azierbajdžanie apazicyjny aljans NRDS (Nacyjanalnaja rada demakratyčnych sił) vyłučyła kandydata ŭ prezidenty. Jak i čakałasia, hetuju rolu davieryli dramaturhu Rustamu Ibrahimbiekavu.
Na pasiadžeńni Nacyjanalnaj rady 2 lipienia kandydatura Ibrahimbiekava atrymała adzinahałosnuju padtrymku. Takim čynam, na vybarach jon budzie pradstaŭlać usie partyi, jakija ŭvachodziać ŭ aljans.
74-hadovy Rustam Ibrahimbiekaŭ źjaŭlajecca aŭtaram šerahu pjes i scenaryjaŭ da kinafilmaŭ. Jaho najbolš viadomaj pracaj źjaŭlajecca scenar da filma «Biełaje sonca pustyni». Za svaju tvorčuju dziejnaść jon udastojeny azierbajdžanskich, rasijskich i mižnarodnych uznaharod.
U apošni čas Ibrahimbiekaŭ salidaryzavaŭsia z azierbajdžanskaj apazicyjaj. Pradstaŭniki apazicyi, u svaju čarhu, vystupili za jaho vyłučeńnie adzinym kandydatam u prezidenty.
Nacyjanalnaja rada była stvorana ŭ kancy maja. Svajoj metaj jaje stvaralniki abviaścili «mirny, šlacham vybaraŭ pierachod Azierbajdžana ad aŭtarytaryzmu da demakratyi».