U armii Litvy zamiest piachoty pajaviacca ŭłany, drahuny i husary
U aŭtorak Ciejm Litvy pryniaŭ padrychtavany Ministerstvam abarony zakon ab pryncypovaj struktury i kolkaści ŭzbrojenych sił u 2014 i ŭ 2019 hodzie.
U zakonie praduhledžvajecca pierajmienavać motapiachotny bataljon imia Karala Mindoŭha Suchaputnych sił nd Litvy ŭ husarski bataljon imia Karala Mindoŭha Suchaputnych sił nd Litvy.
U supravadžalnym dakumiencie havorycca, litoŭskija husary, jak rod lohkaj kavaleryi, źjavilisia ŭ pieršaj pałovie XVI st. Nieŭzabavie jany stali ciažkaj kavaleryjaj, pryznačeńniem jakoj u bai było taranić šerahi supiernika, a pry nieabchodnaści nanosić ŭdary z fłanhaŭ.
Motapiachotny bataljon imia Vialikaj kniahini Biruty Suchaputnych sił Litvy budzie pierajmienavany va ułanski bataljon imia Vialikaj kniahini Biruty Suchaputnych sił Litvy. Pa słovach ministra abarony Juozasa Alekasa, takim čynam buduć zachavany tradycyi ŭłanaŭ XVII stahodździa.