Hulnia zroblenaja. «Kruoja» (Litva) — «Dynama» (Minsk) — 0:3
Biełaruskija kłuby ŭstupili ŭ jeŭrakubkavy siezon 2013/2014.
Pieršaprachodcam stała minskaje «Dynama», jakoje ŭ pieršym kvalifikacyjnym raŭndzie Lihi Jeŭropy sustrakałasia ź litoŭskaj «Kruojaj».
Pieršaja sustreča prajšła ŭ Šaŭlai. Praz tydzień kamandy praviaduć matč u adkaz u Minsku (stadyjon «Traktar»).
Praŭda, druhaja sustreča moža stać farmalnaściu. U pieršaj ža sustrečy «dynamaŭcy» źniali pytańni ab pieramožcy dueli.
Pieršy tajm futbalisty «Kruoi» hieraična adbivalisia ad naskokaŭ biełarusaŭ. Chacia, kali być ščyrymi, to i «Dynama» ŭ atacy nie staviła pierad supiernikami nievyrašalnych zadač. Chaj prahučyć jak štamp, ale ŭ atacy vielmi nie chapała rumynskaha forvarda Kościna Kureli, jakoha minčuki tak i nie zmahli nabyć.
Znajšoŭsia inšy lehijanier. Uruhvajec Ernan Fihiereda pakłaŭ pačatak razhromu litoŭcaŭ. Paŭdniovaamierykaniec dobra vybraŭ pazicyju paśla fłanhavaha pasa Ihara Stasieviča, abaroncy nie daciahvalisia da Fihieredy — 1:0.
Paśla heta hulać stała adnaznačna lahčej. Palicievič paśla vuhłavoha zabiŭ hałavoj. A apošni hoł aformiŭ małady Hleb Rasadkin, jaki byŭ šustrej astatnich na dabivańni — 3:0.
Vyhladaje, što «dynamaŭskamu» štabu možna pačynać vyvučać nastupnaha supiernika — zahrabski «Łakamatyŭ».