Mandeła znachodzicca ŭ «viehietatyŭnym stanie»
Daktary parekamiendavali svajakam Nelsana Mandeły adklučyć jaho ad aparata žyćciezabieśpiačeńnia. Miedyki pryjšli da vysnovy, što były prezident Paŭdniova-Afrykanskaj Respubliki znachodzicca ŭ «piermanientnym viehietatyŭnym stanie».
Źviestki ab zaklučeńni daktaroŭ utrymlivajucca ŭ sudovym dakumiencie ad 26 červienia, jaki apynuŭsia ŭ rasparadžeńni AFP 4 lipienia. Ahienctva sa spasyłkaj na atrymanyja im materyjały paviedamlaje taksama, što svajaki eks-prezidenta
ličać prapanavanaje rašeńnie vielmi vierahodnym, bo nie chočuć «praciahvać pakuty» Mandeły.Vyvučyć stan byłoha prezidenta sudu ŭ PAR pryjšłosia ŭ suviazi z razhladam siamiejnaj sprečki pra pierapachavańnie traich jaho dziaciej.
Viehietatyŭny stan charaktaryzujecca niazdolnaściu chvoraha da samaadvolnaj mientalnaj aktyŭnaści z-za paškodžańniaŭ abo dysfunkcyi paŭšarjaŭ hałaŭnoha mozhu. 94-hadovaha Mandełu, jaki 8 červienia trapiŭ u lakarniu z-za lohačnaj infiekcyi, 27 červienia pryjšłosia padklučyć da aparata štučnaha dychańnia.
***
Nelsan Mandeła atrymaŭ viadomaść jak pravaabaronca ŭ pieryjad isnavańnia ŭ PAR aparteidu, jon 27 hadoŭ pravioŭ u turmie i vyjšaŭ na volu ŭ 1990 hodzie. Zatym jon atrymaŭ Nobieleŭskuju premiju miru i z 1994 pa 1999 hod byŭ pieršym čarnaskurym prezidentam Paŭdniovaj Afryki.