Na 63-hadovaha hrodzienca zaviali spravu za stralbu pa ludziach ź pnieŭmatyčnaj vintoŭki
U Hrodnie raspačata kryminalnaja sprava pa fakcie stralby ŭ žyłym mikrarajonie, paviedamiŭ karespandentu BIEŁTA aficyjny pradstaŭnik Śledčaha kamiteta pa Hrodzienskaj vobłaści Siarhiej Šaršanievič.
U dvary pa vuł. Dambroŭskaha 2 lipienia viečaram žančyna vybivała dyvan, kali, pa jaje słovach, u jaje streliŭ nieviadomy. Kala pałovy na adzinaccatuju viečara jana źviarnułasia ŭ balnicu, dzie kanstatavali kulavoje ranieńnie pravaha pieradplečča.
Jak paviedamili ŭ SK, u ździajśnieńni złačynstva padazrajecca 63-hadovy žychar Hrodna. U jaho kanfiskavany asabisty arsienał — pnieŭmatyčnaja vintoŭka, aptyčny pryceł i kuli.
Viadziecca śledstva. Kryminalnaja sprava raspačataja pa prykmietach złačynstva, praduhledžanaha č.3 art.339 KK Biełarusi i kvalifikavanaha jak asabliva złosnaje chulihanstva.