Jehipieckaja armija adkryła ahoń pa prychilnikach Mursi
U Kairy armija adkryła ahoń pa demanstracyi ŭ padtrymku adchilenaha ad ułady prezidenta Jehipta Machamieda Mursi. Pavodle paviedamleńniaŭ, jakija pastupili, zabityja pa mienšaj miery try čałavieki.
Paśla piatničnych malitvaŭ šmattysiačny natoŭp nakiravaŭsia da Kłubu aficeraŭ prezidenckaj hvardyi, dzie, jak ličycca, znachodzicca aryštavany Mursi.
Jaho prychilniki — u pieršuju čarhu ruch "Braty-musulmanie" — patrabujuć viartańnia Machamiedu Mursi prezidenckich paŭnamoctvaŭ.
Karespandent Bi-bi-si ŭ Kairy Džeremi Bouen bačyŭ, jak kala dźviuch tysiač prychilnikaŭ Mursi vyjšli z kairskaj miačeci "Rabaa al-Adavija" paśla malitvaŭ i pajšli maršam na Kłub aficeraŭ. Vajennyja papiaredzili ich nie pierasiakać vulicu. Ale natoŭp ros, rabiŭsia usio bolš ahresiŭnym i ŭ rešcie rešt rušyŭ napierad.
Pa słovach karsepandenta, sałdaty spačatku strelili ŭ pavietra, potym adkryli ahoń pa natoŭpie. Džeremi Bouen bačyŭ, jak niepadalok ad jaho ŭpaŭ na ziamlu mužčyna ŭ skryvaŭlenaj vopratcy.