Mała syru
Popyt na biełaruski syr pieravyšaje prapanovu ŭ 50 razoŭ.
Apošnija paŭhodu nazirajecca vyhadnaja kanjuktura na rynkach małočnych praduktaŭ. Heta dazvalaje ajčynnym małakazavodam trymacca prybytkovaści.
Na tarhach, što ładzilisia Biełaruskaj universalnaj handlovaj biržaj (BUHB) u apošni dzień žniŭnia, popyt na biełaruski syr pieravysiŭ prapanovu ŭ 50 razoŭ, paviedamlaje «Biełorusy i rynok». Pryčynaj takoj istotnaj raźbiežki stała toje, što svoj tavar ahulnym abjomam 30 t prapanavali tolki dva pradaŭcy, u toj čas jak pakupniki, jakich było 19, padali zajaŭki na 1710 t syru. Siaredniaja cana prodažu skłała 4,5‑2,62 $/kh.
Tydniem raniej BUHB taksama ładziła tarhi syram. U ich prymali ŭdzieł 15 zamiežnych pakupnikoŭ i 7 biełaruskich pradaŭcoŭ. Tady popyt pieravysiŭ prapanovu ŭ 6 razoŭ — 1310 t pavodle zajavak pakupnikoŭ suprać prapanavanych biełarusami 189 t syru. Vidavočna, što papularnaść biełaruskaha syru raście, adnak biełaruskija vytvorcy, pra što śviedčać apošnija tarhi, nie śpiašajucca pa siońniašnim košcie pradavać svaju pradukcyju. Achvotna nabyvajuć zamiežniki i biełaruski kaziein, a taksama suchoje abiastłuščanaje małako dy masła. U paraŭnańni z analahičnym peryjadam minułaha hodu siarednija ceny na suchoje małako ŭzraśli bolš čym u 2 razy, na techničny kaziein — udvaja. Za čatyry miesiacy tarhoŭ biełarusy pradali 2140 t masła, a ceny na jaho za hety čas vyraśli na 72%.
Horšyja spravy ź miasam. Na siońnia na składach zachoŭvajecca kala 12000 t pradukcyi. Biełaruskaje miasa nia chočuć nabyvać praz vysokija košty.