Za partret Zavadskaha dali štraf 2,5 miljona

Pavieł Prakapovič u sudzie. Fota Barysa Hareckaha, baj.by.

Sudździa Savieckaha rajsuda Taćciana Pałulech pryznała aktyvista Paŭła Prakapoviča vinavatym u praviadzieńni niesankcyjanavanaha vuličnaha pikietavańnia (art. 23.34 KaAP) i prysudziła jamu štraf pamieram u 25 bazavych vieličyniaŭ, paviedamlaje sajt HA «BAŽ».

7 lipienia, na 13-ju hadavinu źniknieńnia žurnalista Dźmitryja Zavadskaha, u Minsku byŭ zatrymany siabar arhkamitetu pa stvareńni partyi «Biełaruskaja chryścijanskaja demakratyja» Pavieł Prakapovič.

Uviečary aktyvist raźmiaściŭ na staličnaj płoščy imia Jakuba Kołasa partret Dźmitryja Zavadskaha, paśla čaho byŭ zatrymany. Pra incydent Pavieł Prakapovič zdoleŭ paviedamić tolki ranicaj 8 lipienia. Noč jon pravioŭ u izalatary na Akreścina.

8 lipienia raspačaŭsia administratyŭny praces. Prakapovič pryznaŭ, što pravodziŭ akcyju, ale padkreślivaŭ, što nie parušaŭ hramadskaha paradku, a prosta adzin vykazvaŭ ułasnaje mierkavańnie, trymajučy partret źnikłaha žurnalista.

Kamientary da artykuła