Va Ukrainie raźbiŭsia aŭtobus ź biełaruskimi dziećmi, adzin padletak zahinuŭ
abnaŭlajecca
Jany jechali ŭ Bałharyju na mastacki konkurs.
volyn.mns.gov.ua
virtualbrest.by
virtualbrest.by
virtualbrest.by
volyn.mns.gov.ua
volyn.mns.gov.ua
Hladzi taksama: Mintrans uzmacniaje kantrol za pieravozkami pasažyraŭ
Jak paviedamlaje DSNS Vałyni, 11 lipienia ŭ 7.34 na darozie Łuck-Koviel sutyknylisia dva pasažyrskija aŭtobusy. U adnym znachodziłasia 50 hramadzian Biełarusi, u inšym — pasažyry, što jechali z Koviela ŭ Šack (Ukraina).
Zahinuli 8 čałaviek, u tym liku adzin 13-hadovy padletak ź Biełarusi, jašče 27 čałaviek paciarpieli. 21 ź ich — biełarusy.
Biełaruskich dziaciej viaźli ŭ Bałharyju. Heta byŭ aŭtobus z bałharskimi kiroŭcami. Adzin ź ich taksama zahinuŭ. Pa papiaredniaj infarmacyi, aŭtobus z bałharskimi numarami padčas abhonu vyjechaŭ na sustrečnuju pałasu i sutyknuŭsia.
Paciarpiełyja špitalizavanyja ŭ Kovielskuju centralnuju rajonnuju balnicu. Na miesca zdareńnia z Kijeva vyjechaŭ supracoŭnik konsulskaha adździeła pasolstva Biełarusi va Ukrainie. Inšyja ŭdzielniki avaryi znachodziacca ŭ sanatoryi maci i dzicia «Turyja».
Vyjechaŭ aŭtobus ź biełaruskaj stalicy 10 lipienia kala 21.30. Arhanizatar pajezdki — biełaruska-bałharskaja turystyčnaja kampanija «Biełfreš».
Jak paviedamili NN u kampanii,
heta jechała tancavalnaja hrupa ŭ dziciača-moładzievy centr «Čarnamorac». Było 36 dziaciej ad 10 hadoŭ i 14 darosłych (u tym liku baćki). Viarnucca z Bałharyi jany pavinny byli 14 lipienia. Na miesca zdareńnia ŭžo pryjechaŭ biełaruski aŭtobus, kab zabrać tych, chto najmienš paciarpieŭ. Va Ukrainu taksama vyjechali zasnavalnik i dyrektar kampanii.
Supracoŭniki «Biełfreš» ciapier zajmajucca tym, što źviazvajucca z rodnymi dziaciej. Pakul nie ŭsich atrymałasia adšukać.
MNS Biełarusi adkryła telefonnuju «haračuju» liniju dla infarmavańnia rodnych paciarpiełych i akazańnia im psichałahičnaj dapamohi: (017) 209-27-76, (017) 209-27-67.