Z Bresta ŭ Koviel pa paciarpiełych va Ukrainie biełaruskich dziaciej vyjechali piać «chutkich»
Adzin reanimabil, 4 «chutkich» i aŭtobus turfirmy TAA «Kampanija Biełfreš» vyjechali 12 lipienia sa Bresta pa paciarpiełych u DTZ va Ukrainie biełarusaŭ. Kałona adpraviłasia z Bresta ŭ 9.30,paviedamiła načalnik upraŭleńnia achovy zdaroŭja Bresckaha abłvykankama Śviatłana Krapivina.
U Kovielskaj balnicy Vałynskaj vobłaści znachodziacca 25 paciarpiełych biełarusaŭ -18 dziaciej i 7 darosłych.
«Učora ŭviečary ŭ dziciačuju abłasnuju balnicu była dastaŭlena adna z paciarpiełych dziaŭčynak. Jaje stan siońnia palepšyŭsia.Piać čałaviek majuć patrebu ŭ pieravozcy u sanitarnym transparcie ŭ lažačym stanoviščy, — paviedamiła Śviatłana Krapivina. — U 19 z špitalizavanych chvorych — udary i nievialikija ranieńni, što dazvalaje dastavić ich u Biełaruś u aŭtobusie ŭ supravadžeńni miedpiersanału i psichołahaŭ».
Siarod lažačych chvorych adna žančyna (1986 h.n.), dva chłopčyki (1997 i 1999 h.n.) i 4 dziaŭčynki (2001, 1996,1998 i 1999). U ich čerapna-mazhavyja traŭmy i inšyja paškodžańni.