Elektronnaja sistema prodažu kvitkoŭ da listapada źjavicca va ŭsich kinateatrach Minska
Pra heta siońnia na apieratyŭnaj naradzie ŭ Minharvykankamie paviedamiŭ hienieralny dyrektar UP «Kinavideaprakat» Vasil Koktyš.
«Minčanie ŭžo acanili heta novaŭviadzieńnie, bo ŭ Minsku ŭžo 9 kinateatraŭ padłučanyja da elektronnaj sistemy apłaty kvitkoŭ. Zakazvać kvitki možna pa adrasie: kino.bycard.by — tut vidać i kolkaść pakinutych kvitkoŭ na sieans, možna vybrać zručnyja datu i čas sieansu, upadabanaje miesca ŭ zale. Ja dumaju, što da kanca nastupnaha hoda kala 60% žycharoŭ stalicy buduć kuplać kvitki praź Internet», — skazaŭ V. Koktyš.
Akramia taho, u biahučym hodzie praktyčna ŭsie kinateatry Minska piarojduć na ličbavaje abstalavańnie.U vieraśni pryniać hledačoŭ paśla ramontu zmoža abnoŭleny kinateatr «Rakieta», dzie taksama ŭstalujuć takoje abstalavańnie. Nastupnymi ŭ čarzie na rekanstrukcyju jašče dva kinateatry — «Pieramoha» i «Maskva».
«U cełym ža chaciełasia b, kab u Minsku było bolš kinazałaŭ. Ciapier my pakazvajem filmy ŭ 24 kinazałach, ale hetaha niedastatkova.Bo patencyjał staličnych kinateatraŭ — pryniać 8–9 młn hledačoŭ, a pa fakcie vychodzić 5 młn. U nas prosta nie chapaje ekrannaha času, kab pakazać usio, što b my chacieli. Tym bolš što terminy prakatu vielmi karotkija, i padoŭžyć ich my nie možam, bo prychodziać novyja filmy. Tamu dla taho, kab zabiaśpiečyć raźvićcio kinavideaprakatu i pavialičyć dachodnaść, patrebnyja novyja kinazały.
Zaraz my prajektujem novy kinateatr «Avanhard» u rajonie stancyi mietro «Hrušaŭka», ale akramia jaho treba jašče 20 kinazałaŭ, i tady ŭsie pytańni buduć źniatyja, — adznačyŭ V. Koktyš.