Adkryćcio «Karony-Uručča» pryznačana na 1 žniŭnia
Heta budzie treci staličny hipiermarkieta Paŭła Tapuzidzisa.
U Minsku na skryžavańni MKAD i praśpiekta Niezaležnaści zaviaršajecca budaŭnictva handlovaha centra «Karona».Jon budzie znachodzicca niedaloku ad navučalnaha korpusa BNTU.
Kompleks budzie ŭklučać u sabie restaran chutkaha charčavańnia, kaviarniu, kramu bytavoj techniki.
Pavodle słovaŭ pradstaŭnika adździeła kadraŭ, novy kompleks prapanuje bolš za 40 raznastajnych vakansij — patrebnyja achoŭniki, administratary, kasiry, hruzčyki dy pradstaŭniki inšych prafiesij.
Kali ŭžo možna budzie adpravicca za pakupkami ŭ «Karonu — Uručča»? «Miarkujem, što aficyjnaje adkryćcio adbudziecca pieršaha žniŭnia, ale ŭsio zaležyć ad budaŭnikoŭ», — paviedamili ŭ kampanii.
Krama budzie pracavać ad 9 da 23 hadzin, a«Karona-Techna» — ad 9 da 22 hadzin.
* * *
Sietka hipiermarkietaŭ «Karona» uklučaje ŭ siabie šeść kram. Try ź ich znachodziacca ŭ stalicy (kala stancyi mietro «Frunzienskaja», kala Pałaca niezaležnaści i va Uruččy), pa adnoj u Babrujsku, Breście i Viciebsku. Ułaśniki — Pavieł Tapuzidzis i Viktar Piatrovič. Dola abarotu sietki ŭ roźničnym handli krainy składaje kala 2,3%.