Nia trapili ŭ košyk
Mužčynskaja zbornaja Biełarusi pa baskietbole nie zmahła vyjści ŭ dyvizijon «A» čempijanatu Eŭropy.
Adzinaja pucioŭka ŭ macniejšy dyvizijon razyhryvałasia viečaram u sieradu ŭ mienskim Pałacy sportu miž zbornymi Biełarusi i Vialikabrytanii. Tolki jany ŭdźviuch zachavali šancy na pavyšeńnie ŭ ranhu. Krepkija kamandy Halandyi i Słavaččyny zastalisia ni z čym.
Darečy, minułaj vosieńniu hetyja kamandy hulali ŭ brytanskim Šefiłdzie. Tady našy suajčyńniki minimalna pieramahli — 69:68. Mała chto sumniavaŭsia, što ŭ napružanaj baraćbie projdzie i heta hulnia.
Adnak rečaisnaść była našmat bolš žorstkaj dla biełarusaŭ. Brytancy, jakich vioŭ u boj zorka NBA Łuoł Denh (jon nabraŭ 27 punktaŭ, dla paraŭnańnia naša zorka Ŭładzimier Vieramiejenka nabraŭ tolki 13 punktaŭ) prosta razhramili našych huliveraŭ — 51:83.
Nastupnaj sproby prabicca ŭ macniejšy dyvizijon biełaruskija baskietbalisty buduć čakać cełyja dva hady.