Varłamava vyzvalili z zały suda: Dziakuju Bohu, što zastaŭsia žyvy
abnoŭlena
Prysud byŭ abvieščany siońnia a 11-j hadzinie ŭ sudzie Leninskaha rajona stalicy.
Madeljeru Alaksandru Varłamavu dali piać hadoŭ abmiežavańnia voli (sudździa Nadzieja Navickaja), ale zaličyli bolš čym dva hady ŭ źniavoleńni, tamu jaho vyzvalajuć z turmy. 2 hady jon nie maje prava zajmacca kiroŭnaj dziejnaściu. Nakładzieny hrašovyja kampiensacyi
«Dziakuju Bohu, što zastaŭsia žyvy, navošta kaho abvinavačvać», — skazaŭ paśla abviaščeńnia prysudu A. Varłamaŭ.
Advakatka Tamara Sidarenka patłumačyła Jeŭraradyjo, kolki jašče pakarańnia zastałosia adbyć madeljeru:
«Artykuły 174–175 Kryminalnaha kodeksa Respubliki Biełaruś. Adzin dzień pazbaŭleńnia voli (ci znachodžańnia ŭ izalatary) pryroŭnivajecca da dvuch dzion abmiežavańnia voli» na chimii.
Takim čynam, piać hadoŭ «chatniaj chimii» (tak u abychodžańni nazyvajuć mieru pakarańnia, abranuju dla Varłamava) pryroŭnivajucca da 2,5 hadoŭ źniavoleńnia.Saša Varłamaŭ byŭ uziaty pad vartu ŭ siaredzinie traŭnia. Pa jaho ŭłasnych słovach, za kratami jon pravioŭ dva hoda i dva miesiacy.
Heta značyć, Varłamavu zastałosia adbyć 8 miesiacaŭ «chatniaj chimii».
***
24 červienia prakuror Anton Zaharoŭski paprasiŭ dla Alaksandra Varłamava 5 hadoŭ pazbaŭleńnia voli z kanfiskacyjaj majomaści i zabaronaj zajmać kiroŭnyja pasady.Prakuror prasiŭ sud pryznać Varłamava vinavatym va ŭchileńni ad padatkaŭ i ekanamičnych złoŭžyvańniach. Varłamaŭ pryznaŭ tolki vinu ŭ niavypłacie padatkaŭ. Advakat prosić apraŭdać padabaronnaha.
Advakat paprasiŭ apraŭdać padabaronnaha.
U svaim apošnim słovie na sudzie A. Varłamaŭ skazaŭ:
«Ja ŭ turmie ŭžo treci hod, kali bolš dakładna — 2 hady i 2 miesiacy. „Młyn mody“ sprabavali prybrać, ale ni ŭ koha heta nie atrymałasia. A kolki centraŭ moładzievaj mody možna było b zrabić na hrošy, jakija vydatkavanyja na śledstva? Možna było b adrazu addać hetyja hrošy maładym dyzajnieram — tak było b našmat praściej.
Ja hanarusia svajoj pracaj, tym, što razam z udzielnikami prajektu my štoraz u kožnaj krainie, u jakuju vyjazdžali, čuli: „Vy dla svajej krany zrabili šmat“…
Usie hrošy pad vyhladam sutačnych byli ź lichvoj vydatkavanyja na praviadzieńnie prajekta. Ja nie kažu, kolki hrošaj było vydatkavana mnoj, miecenatami, sponsarami.
Ja hanarusia hetaj pracaj, joj hanaracca udzielniki, žychary, jakija pišuć mnie.Prajekt byŭ pryhožy z usich bakoŭ. Akramia taho, dzie ja nie mieŭ dačyńnieńnie. Ja nie buchhałtar, nie śpiecyjalist».
Spadziajusia na abjektyŭny sud, chaču pražyć reštu žyćcia ŭ svajoj siamji. Mahu skazać, što trymajusia z apošnich sił, bo chaču dačakacca spraviadlivaha prysudu.
Za kratami madeljer znachodzicca ad maja 2011 h. Sud raspačaŭsia ŭ lutym 2013 hoda. U mai Haspadarčy sud likvidavaŭ «Ahienctva mody Sašy Varłamava».