Šymaŭ: Zachad robić staŭku na Navalnaha jak na svajho asnoŭnaha ahienta ŭpłyvu
Kałumnist haziety «Sovietskaja Biełoruśsija» Usievaład Šymaŭ ličyć Navalnaha «kampramisnaj postaćciu» ŭ rasijskaj apazicyi. Na dumku Šymava, Navalnamu ŭdałosia akumulavać pratestavyja nastroi i čakańni roznych słajoŭ hramadstva, ale najpierš «kreatyŭnaha kłasa» — ludziej, jakija pracujuć u śfiery pasłuh. «U im bačać svajho i libierały, i patryjoty, i rasiejskija nacyjanalisty», — piša Šymaŭ. «Da taho ž Navalny karystajecca padtrymkaj Zachadu, jaki, całkam mahčyma, užo zrabiŭ ci zrobić na jaho staŭku jak na svajho asnoŭnaha ahienta ŭpłyvu ŭ Rasii», — padsumoŭvaje Šymaŭ u duchu teoryj zmovy.
Usievaład Šymaŭ staić na pazicyjach pansłavizmu. Jahony baćka Uładzimir Šymaŭ pracuje rektaram Biełaruskaha dziaržaŭnaha ekanamičnaha ŭniviersiteta, a brat Jarasłaŭ Šymaŭ pry hetym — supracoŭnikam rasijskaj słužby amierykanskaha radyjo «Svaboda».