Kiraŭnik Minsielhascharča: Dramatyzavać situacyju z afrykanskaj čumoj nie varta
Pra heta zajaviŭ siońnia žurnalistam ministr sielskaj haspadarki i charčavańnia Biełarusi Leanid Zajac pierad sustrečaj kiraŭnikoŭ vieterynarnych słužbaŭ Biełarusi, Rasii i Ukrainy pa vypracoŭcy sumiesnych zachadaŭ baraćby z afrykanskaj čumoj śviniej.
«Dramatyzavać nie treba situacyju, jana kiravanaja. Jość ačahi zachvorvańnia, dzie pryniaty ŭsie zachady, kab łakalizavać ačahi i nie dapuścić raspaŭsiudu afrykanskaj čumy śviniej. Praca vieterynarnych słužbaŭ pa ŭzajemadziejańni z nasielnictvam viadziecca zładžana i arhanizavana», — padkreśliŭ Leanid Zajac.
Adkazvajučy na pytańnie, kolki budzie doŭžycca afrykanskaja čuma śviniej u Biełarusi, ministr nie staŭ rabić prahnozaŭ:
«Usio budzie zaležać ad prymanych zachadaŭ i, biezumoŭna, ad kožnaha čałavieka. Usie pavinny razumieć, što heta biada nie adnaho dnia. Čym bolš arhanizavanyja i śviadomyja buduć usie hramadzianie krainy, tym chutčej atrymajecca vyrašyć prablemu».