U Kijevie žorstka źbili ideołaha Femen

Viečaram 24 lipienia ŭ Kijevie byŭ žorstka źbity adzin ź ideołahaŭ žanočaha pratestnaha ruchu Fiemen Viktar Śviacki, paviedamlajecca na sajcie ruchu.

Śviacki byŭ špitalizavany z padazreńniem na pierałom nižniaj skivicy. U ruchu Femen źbićcio źviazvajuć z majučym adbycca vizitam u Kijeŭ prezidenta Rasii Uładzimira Pucina, patryjarcha RPC Kiryła, a taksama Alaksandra Łukašenki. Jak čakajecca, vysokapastaŭlenyja hości prymuć udzieł u śviatkavańni 1025-hodździa chryščeńnia Rusi.

Pres-słužba ruchu Femen taksama śćviardžaje, što tyja, chto źbiŭ Śviackaha, pahražali «raspravicca tym ža sposabam z aktyvistkami ruchu ŭ vypadku sprobaŭ pieraškodzić masavym hulańniam postsavieckich dyktataraŭ z nahody hadaviny chryščeńnia Rusi».

Kamientary da artykuła