Patryjarch Kirył zaklikaŭ «narody Rusi» zachoŭvać duchoŭnaje adzinstva
Patryjarch Kirył u Kijevie pavinšavaŭ narody histaryčnaj Rusi z 1025-hodździem pryniaćcia chryścijanstva i zaklikaŭ zachoŭvać duchoŭnaje adzinstva.
«Siońnia ŭ niejkim sensie my śviatkujem nie tolki 1025-hodździe našaj historyi, što idzie da Vadochryšča ŭ Dniapry, ale i asablivym čynam śviatkujem 25 hadoŭ, jakija prajšli z dnia śviatkavańnia tysiačahodździa. Heta hady druhoha chryščeńnia Rusi, źmianieńnia žyćcia našych narodaŭ i našaj carkvy», - skazaŭ Kirył.
Jon padziakavaŭ Uładzimiru Pucinu i Viktaru Janukoviču za ich udzieł u padrychtoŭcy uračystaściaŭ, adznačyŭšy, što hetaje śviata hurtuje narody Rasii, Ukrainy, Biełarusi, Małdovy, «vyśviatlaje šlach našaha sumiesnaha histaryčnaha byćcia».
U Kijevie siońnia prachodziać ŭračystaści z nahody 1025-hodździa Chryščeńnia Kijeŭskaj Rusi.Rašeńniem suda ŭ hetyja dni akcyi ŭ centry stalicy zabaronienyja. Łukašenka va ŭračystaściach nie biare.
Uračystaści ŭ Minsku, z udziełam kiraŭnikoŭ siami pravasłaŭnych cerkvaŭ, projduć u paniadziełak, 29 lipienia.Viečaram u niadzielu ŭ Minsk u litarnym ciahniku pryjeździe patryjarch Kirył. U stalicu Biełarusi budzie taksama dastaŭleny Kryž Andreja Pieršazvannaha.
A 9:30 u paniadziełak na Minskim zamčyščy, na Niamizie, projdzie vialikaja liturhija. Čakajecca ŭdzieł da 50 tys. čałaviek.