Papa Francišak: Kali niechta hiej, ale šukaje Boha i dobry čałaviek, chto ja, kab asudžać jaho?

Jak Vy staviciesia da takoj pazicyi Papy?

Papa Francišak zajaviŭ, što hiei pavinny być častkaj hramadstva. Na jaho dumku, śviatary z homaseksualnaj aryjentacyjaj pavinny być daravanyja, a hrachi ich zabytyja.

«Kali niechta źjaŭlajecca hiejem, ale šukaje Boha i dobry čałaviek, chto ja, kab asudžać jaho?», — zajaviŭ Francišak na pres-kanfierencyi.

Papa ŭdakładniŭ, što pa carkoŭnych zakonach seksualnaja aryjentacyja nie hrech, a voś homaseksualnyja kantakty — hrech.

Čałaviek naradžajecca z toj ci inšaj aryjentacyjaj i ničoha nie moža z hetym parabić: kamuści padabajucca žančyny, a kamuści — mužčyny. Ale ŭstupać u adnapołyja seksualnyja suviazi — hrech. Kali ty naradziŭsia hiejem, ty pavinien strymlivać siabie.

Papa taksama zajaviŭ, što chacieŭ by pašyryć udzieł žančyn u carkoŭnych spravach, adnak zabarona dla žančyn stanavicca śviatarami zachavajecca.

Pres-kanfierencyja prachodziła na borcie samalota Franciška na šlachu z Brazilii, dzie jon pravioŭ tydzień u honar śviatkavańnia Suśvietnaha dnia moładzi — najbujniejšaha katalickaha fiestyvalu.

Kamientary da artykuła