U Charvatyi adrestaŭravali pałac Dyjakletyjana
U Charvatyi skončyłasia restaŭracyja pałaca rymskaha impieratara Dyjakletyjana, jakaja doŭžyłasia amal dziesiać hadoŭ.
Restaŭrataram daviałosia ačyścić pałac ad brudu, sažy, a taksama ad cemientavaha pyłu z zavodu, jaki dziejničaŭ u kancy XIX-pač. XX st.
Dla restaŭracyi pałaca śpiecyjalisty vykarystoŭvali ručnyja łaziery, jakija zvyčajna ŭžyvajuć dla ačystki nievialikich pradmietaŭ. U pracach akramia restaŭrataraŭ ŭdzielničali chimiki, inžyniery i architektary.
Restaŭracyja pałaca kaštavała ahułam piać miljonaŭ jeŭra.Hrošy vydzieliła Ministerstva kultury Charvatyi, meryja horada Split, dzie raźmieščany pałac, Suśvietny fond pomnikaŭ, a taksama pryvatnyja asoby.
Pałac Dyjakletyjana byŭ pabudavany ŭ 305 hodzie našaj ery. Jon ličycca pałacam epochi Rymskaj impieryi siarod tych, što najlepš zachavalisia. U 1979 hodzie jon byŭ uklučany ŭ Śpis suśvietnaj spadčyny JUNIESKA.