Pasolstva Izraila skončyła strajk

Konsulski adździeł pasolstva Izraila ŭ Biełarusi adnaviŭ pracu ŭ poŭnym abjomie.

«Z 1 žniŭnia z 14.00 konsulski adździeł adnaviŭ pracu ŭ poŭnym abjomie. Užo siońnia ludzi atrymlivajuć usie nieabchodnyja im konsulskija pasłuhi», — paviedamiła BiełaPAN pres-sakratar pasolstva Volha Dziemidovič.

Nahadajem, z 24 červienia pasolstvy Izraila pa ŭsim śviecie, u tym liku ŭ Biełarusi, časova spynili vydaču izrailskich viz u suviazi z pracoŭnym kanfliktam.

Kanflikt ciahnuŭsia ź minułaj viasny — Ministerstva zamiežnych spraŭ Izraila pasprabavała dabicca palapšeńnia ŭzroŭniu apłaty i ŭmoŭ słužby izrailskich dypłamataŭ za miažoj, a taksama strukturnych źmienaŭ u samim ministerstvie. Z-za taho što za hety čas Ministerstva finansaŭ Izraila nie pryniało nijakich mier pa zadavalnieńni patrabavańniaŭ MZS, z 24 červienia prafsajuz rabotnikaŭ źniešniepalityčnaha viedamstva pierajšoŭ da bolš rašučych dziejańniaŭ.

Jak paviedamlała izrailskaja presa, u siaredzinie červienia akruhovy sud pa pracoŭnych kanfliktach abaviazaŭ ministra finansaŭ Jaira Łapida nieadkładna ŭstupić u pieramovy z rabočym kamitetam MZS.

Kamientary da artykuła