Kabiakoŭ pravioŭ naradu na MTZ pa skaračeńni składskich zapasaŭ
Kiraŭnik Administracyi prezidenta Biełarusi Andrej Kabiakoŭ pravioŭ siońnia čarhovuju naradu na Minskim traktarnym zavodzie.
«Zychodziačy z pastaŭlenych kiraŭnikom dziaržavy zadač pa skaračeńni składskich zapasaŭ hatovaj pradukcyi i zabieśpiačeńni ekspartu, u centry ŭvahi Andreja Kabiakova znoŭ byli prablemnyja pytańni i prapanovy pa pastaŭkach aŭtatraktarnaj techniki», paviedamlaje BiełTA
Na siońniašni dzień možna kanstatavać niekatoraje ažyŭleńnie pracesaŭ prodažaŭ biełaruskaj pradukcyi jak na rynku hałoŭnaha ekanamičnaha partniora Rasijskaj Fiederacyi, tak i ŭ inšych rehijonach blizkaha i dalokaha zamiežža.
«Asobnaj temaj razmovy stała asvajeńnie pierśpiektyŭnych rynkaŭ, a taksama realizacyja inviestycyjnych prajektaŭ. Pa vynikach narady byli dadzieny kankretnyja daručeńni».