Homielskija katoliki molacca ab pasłańni daždžu: dva tydni zasucha
U čas znachodžańnia ŭ homielskim kaściole relikvij Śviatoj Terezy ad Dziciatka Isusa miascovyja kataliki płanujuć malicca ab pasłańni daždžu na Homielskuju vobłaść i prasić zastupnictva ŭ Śviatoj Terezy.
Užo kala dvuch tydniaŭ Paŭdniovy Uschod Biełarusi pieražyvaje vielizirnuju zasuchu, doŭhi čas tempieratura pavietra dniom pieravyšała 30 hradusaŭ. Bolš za ŭsich ad zasuchi pakutujuć viaskoŭcy: na harodach hinuć raśliny, vysychajuć travy, dla ŭtrymańnia žyvioł nieabchodny vialiki raschod vady. I ŭ bližejšy tydzień sinoptyki nie prahnazujuć daždžoŭ na Homielščynie.
«Zasucha heta fakt, jaki dapuskaje Hospad. Takija kataklizmy pakazvajuć, što my vielmi słabyja, a nie trymajem svoj los va ŭłasnych rukach, nie možam ničoha źmianić — heta vučyć čałavieka pakory pierad Tvorcam. Mnohija ludzi žyvuć tak, jak byccam Boha niama, moža być, dla ich hetaja zasucha stanie časam razumieńnia svajho losu, svajho žyćcia i taho, što treba trymacca Hospada i Jaho zapavietaŭ», — kaža probašč.