Niedarečnaja śmierć rabotnicy banka: zasnuła pad drevam i skaciłasia ŭ vohnišča
U Połackim rajonie na bierazie voziera supracoŭniki banka adpačyvali svajoj kampanijaj. Adna z rabotnic ustanovy zasnuła pad drevam, a potym litaralna skaciłasia pa schile i trapiła ŭ vohnišča. U vyniku atrymanych apiokaŭ žančyna pamierła.
«Trahiedyja adbyłasia kala hadziny nočy. Zahinuła žančyna, 1965 h.n. Ustanoŭlena, što jana znachodziłasia ŭ niećviarozym stanie. Kali adbyŭsia niaščasny vypadak, kalehi žančyny kupalisia, tamu nie zmahli joj akazać dapamohu. Pravierka pravodzicca Połackim mižrajonnym adździełam Śledčaha kamiteta», — raskazała Ina Harbačova, aficyjny pradstaŭnik upraŭleńnia SK pa Viciebskaj vobłaści.