U Salihorsku vyviesili raściažku «Patrabujem novaj palikliniki»
Salihorskija aktyvisty moładzievaha centra «Vołat» čarhovy raz nahadali ŭładam horadu, kab tyja zbudavali jašče adnu palikliniku.
Hetym razam nad centralnym uvachodam Salihorskaj centralnaj rajonnaj balnicy jany vyviesili trochmietrovuju raściažku «Patrabujem novaj palikliniki».
Raniej jany raspaŭsiudžvali ŭ horadzie ŭlotki i haziety, u jakich nahadvali pra ciažkaści ź miedycynskim absłuhoŭvańniem, a taksama zaklikali žycharoŭ horada źviartacca nakont vyrašeńnia prablemy da deputataŭ pałaty pradstaŭnikoŭ ad Salihorska i Salihorskaha rajona.
Taksama ŭ horadzie miascovymi aktyvistami nieadnarozova źbiralisia podpisy za budaŭnictva novaj palikliniki, a salihorskija pravaabaroncy arhanizavali zbor podpisaŭ z dapamohaj hłabalnaj płatformy anłajn-pietycyjaŭ Change.org.
Ciapierašniaja paliklinika raźličanaja na 680 naviedvańniaŭ štodnia, ale pacyjentaŭ prychodzić u try razy bolej.