Łukašenka: Kiraŭnik — u turmu, firma — likvidujecca
Alaksandr Łukašenka patrabuje likvidavać nieabhruntavanaje pasiarednictva. Pra heta jon zajaviŭ padčas naviedvańnia filijała «Kryčaŭcemient» AAT «Kryčaŭcemientnašyfier».
Alaksandr Łukašenka adznačyŭ, što jamu pastupaje infarmacyja ab najaŭnych faktach pracy niesumlennych pasrednickich struktur. «Navošta vy praz pasiarednikaŭ bieracie navat biełaruskuju syravinu?» — spytaŭ Łukašenka, źviartajučysia da prysutnych.
Jak paviedamiŭ ministr architektury i budaŭnictva Anatol Ničkasaŭ, takija fakty mieli miesca ŭ haliny, adnak paśla praviadzieńnia pravierak byli pryniaty adpaviednyja miery.
Łukašenka źviarnuŭ uvahu na toje, što ŭžo nieadnarazova papiaredžvaŭ ab niedapuščalnaści situacyi, kali padkantrolnyja pradpryjemstvu firmy pastaŭlajuć
«Kiraŭnik — u turmu, firma — likvidujecca, i bolš taki pryvatnik nie budzie zajmacca pradprymalnictvam. Ja papiaredžvaju ŭžo treci raz.Heta ž składnik sabiekoštu. Kali vy pa bolš vysokaj, čym možacie, canie zakuplajecie syravinu, a heta hałoŭny składnik u sabiekošcie (70%), naturalna, vy nie zmožacie kankuravać na rynkach», — skazaŭ jon.
«Čas užo takoje pasiarednictva prykryć. Hetaha być nie pavinna! I toj, chto heta dapuściŭ, nie prosta pavinien być zvolnieny, a kampiensavać škodu», — padkreśliŭ Łukašenka. Jon daručyŭ kantralujučym orhanam zaniacca hetym pytańniem. «Mnie prosta vyjaŭleńnie faktu i dokazy nie treba. Patrebna kampiensacyja škody pradpryjemstva», — dadaŭ jon.
«Daravańnia za heta nie budzie, jaki b vy status ni zajmali», — papiaredziŭ Alaksandr Łukašenka.
Łukašenka daručyŭ staršyni Kamiteta dziaržkantrolu Alaksandru Jakabsonu i pamočnikua kiraŭnika dziaržavy pa Mahiloŭskaj vobłaści Hienadziu Łavrienkovu vyvučyć situacyju ź nieabhruntavanym pasrednictvam na pradpryjemstvach u cełym pa ŭsioj vobłaści.