Stylahi na rovarach kulturna strasianuli Minsk

U subotu ŭ Minsku prajšli viełapakatuški stylahaŭ. Piać dziasiatkaŭ dziaŭčat i chłopcaŭ prajechalisia praśpiektam ad Płoščy Niezaležnaści, z zajezdam u Trajeckaje, da Nacyjanalnaj biblijateki.

Stylahi — heta moładzievaja subkultura časoŭ SSSR u 1950–1960-ja hady. Moładź karystałasia zachodnim etałonam styla žyćcia. Z natoŭpu ich vyłučała krychu niedarečnaja, jarkaje adzieńnie, a taksama maniera znosin. U ich byŭ pavyšany intares da zachodnich tancaŭ i muzyki. Adzieńnie dla ich było sposabam prajavić nieprymańnie zanadta strohaj marali i isnujučaha ładu, jakija pieratvarali ludziej u šeruju masu.

Tak, dziaŭčaty imknulisia kapijavać madeli sukienak z dastupnych prybałtyjskich i zamiežnych časopisaŭ. Apranalisia jarka, nasili spadnicy z razrezam krychu vyšej kalena, jakija krasamoŭna padkreślivali postać (tady heta ličyli aburalna karotkim), kviacistyja błuzy, pyšnyja sukienki i šaŭkovyja sukienki z hłybokimi dekalte, kapronavyja pančochi, žanočyja štany, tufli na vysokim abcasie, jakija mieli padoŭžanyja nasy.

Atmaśfiera dobra pieradadziena ŭ filmie «Stylahi», dzie raspaviadajecca pra Maskvu 1950-ch, a taksama ŭ knizie U. Niaklajeva «Aŭtamat z haziroŭkaj ź siropam i biez», dzie raskazvajecca pra Minsk pačatku 1960-ch.

Kamientary da artykuła