BIEŁ Ł RUS

Na BT pakazali zatrymańnie Uładzisłava Baŭmhiertniera: staić na raściažcy

26.08.2013 / 21:43

Źmicier Pankaviec

Abnoŭlena, dadałosia videa.

U vynikovaj pieradačy «Panarama» na telekanale «Biełaruś-1» byli prademanstravanyja kadry zatrymańnia ŭ minskim aeraporcie hienieralnaha dyrektara «Urałkalija» Uładzisłava Baŭmhiertniera.

Siarod inšaha zatrymany staić na raściažcy. Źjaŭlajucca i kadry, dzie na jaho adzietyja kajdanki. Naprykancy repartaža pakazvajecca zdymka, dzie Baŭmhiertnier ci to daje pakazańni, ci to znajomicca z materyjałami spravy.
Što datyčyć samoha aryštu i situacyi vakoł «Urałkalija» i «Biełaruskaj kalijnaj kampanii», to na BT heta nazvali «rejdarskim zachopam suśvietnaha maštabu».
Pavodle aŭtaraŭ rolika, rasijskija menedžary «Biełaruskaj kalijnaj kampanii» pravodzili zbyt pradukcyi praz afšornuju kampanii «Urałkalij trejdynh», zarehistravanuju ŭ Šviejcaryi. Biełarusy ž nibyta byli adrezanyja ad klijentaŭ.
Havaryłasia pra toje, što heta ŭdar pa suśvietnym kalijnym rynku (Kanadzie, Hiermanii i Izraili). A taksama ŭvieś čas padkreślivałasia, što straty panios nie tolki biełaruski bok, ale i rasijski.

Hałoŭnyja ž abvinavačańni pajšli na adras Sulejmana Kierymava, jaki nibyta i prydumaŭ hetuju schiemu dziela ŭłasnaha ŭzbahačeńnia.

Paśla razryvu suviazi z «Biełaruskaj kalijnaj kampanijaj» «Urałkalij», pavodle płanu, pavinien pačać dempinhavańnie cenaŭ na pradukcyju, što pryviało b da źnižeńnia koštu akcyj. A ŭžo potym Kierymaŭ skuplaŭ by za biascenak hetyja akcyi.

Čytajcie taksama:

Kamientary da artykuła