«Nafta Maskva»: Kierymaŭ nie pradavaŭ akcyi «Urałkalija»
Pradstaŭniki rasijskaha miljardera Sulejmana Kierymava abvierhli čutki ab tym, što jon nibyta pradaŭ svaje akcyi «Urałkalija» niejkamu bankiru z
Sankt-Pieciarburha .
«Infarmacyja nie adpaviadaje rečaisnaści», — cytuje
Raniej advakat Alaksandr Dabravinski napisaŭ na svajoj staroncy ŭ Facebook, što, pa jaho źviestkach, Kierymaŭ 6 vieraśnia «pradaŭ vialiki pakiet akcyj (kali nie ŭsie akcyi) u kampanii „Urałkalij“ niejkamu bankiru K.».
Kampanija «Nafta Maskva» kiruje aktyvami Sulejmana Kierymava, va ŭłasnaści jakoha znachodzicca zvyš 21% akcyj «Urałkalija».
Pa źviestkach RIA Naviny, košt hetaha pakieta akcyj aceńvajecca ŭ 3 młrd dalaraŭ.
U kancy žniŭnia hetaha hoda Śledčy kamitet Biełarusi paviedamiŭ ab zatrymańni hiendyrektara kampanii «Urałkalij» Uładzisłava Baŭmhiertniera. Na datyčnaść da złačynstvaŭ, jakija nanieśli škodu Biełarusi, biełaruskija ŭłady praviarajuć i Sulejmana Kierymava.