Prakapovič: Pytańnie pošliny $100 budzie vyrašana za miesiac
dadadziena
Kultavy dla biełarusaŭ vilenski «Akropalis» moža stać niedasiažnaj maraj
Pytańni, jakija tyčacca ŭviadzieńnia pošliny dla biełarusaŭ, jakija vyjazdžajuć za miažu, płanujecca adpracavać na praciahu bližejšaha miesiaca — paŭtara. Pry hetym vyjaznaja pošlina nie pavinna zakranuć turystaŭ.
Ab hetym paviedamiŭ siońnia ŭ čas pramoj linii ŭ haziecie «Respublika» vice-premjer Biełarusi Piatro Prakapovič.
"Heta pytańnie zaraz razhladajecca va ŭradzie, my jaho staranna vyvučajem.
Miarkuju, što dzieści na praciahu miesiaca my damo adkazy na ŭsie pytańni», — adznačyŭ Piotr Prakapovič.
Pa jaho słovach, razhladajucca roznyja mahčymyja formy rašeńnia pytańnia.
Pry hetym u vypadku, kali pošlina budzie ŭviedziena, jana nie zakranie hramadzian, jakija vyjazdžajuć u turystyčnyja pajezdki, i budzie dziejničać dla tych, chto časta jeździć za pakupkami i pryvozić šmat tavaraŭ dla pieraprodažu ŭ Biełarusi.
Prapanova ŭvieści pošlinu biełarusaŭ, jakija vyjazdžajuć za miažu na zakupy, prahučała z boku Łukašenki ŭ čas naviedvańnia AAT «Motavieła» 6 vieraśnia.
«Nas krytykujuć — biednaja, žabrackaja kraina, a našy ludzi da $3 młrd u hod vyvoziać za miažu ŭ Jeŭrasajuz i pryvoziać barachło, jakoje my taksama vypuskajem», — padkreśliŭ Łukašenka. «Dyk voś ja daŭno daručyŭ, až da taho, što vyjazdžaješ za miežy, usio roŭna za čym, zapłaci vyjaznuju pošlinu. Heta budzie tak: my ciabie na miažy absłuhoŭvajem — $ 100 z nosa płaci i jedź za miažu», — skazaŭ Alaksandr Łukašenka.