U Sierabrancy kala «Hipa» hulaŭ łoś — videa
Źviera ŭbačyli niedaloka ad hipiermarkieta «Hipa», paviedamlaje charter97.org
Łasia vypadkova zafiksavaŭ rehistratar aŭtamabila, jaki jechaŭ pa kole na skryžavańni vulicy Vaniejeva i praśpiekta Rakasoŭskaha ŭ Minsku. Videa źjaviłasia na YouTube u piatnicu 13 vieraśnia. Sa słoŭ aŭtara, źniata jano było ŭ toj ža dzień.
Łoś nakiroŭvaŭsia z boku Uschodniaha vakzału ŭ napramku centra horada i pierasiakaŭ darohu ŭ nienaležnym miescy. Aŭtamabil, ź jakoha viałasia zdymka, cudam nie začapiŭ žyviołu, ale mocna jaho napałochaŭ.
Chutčej za ŭsio, łoś moh patrapić u horad ź lasoŭ, jakija raźmieščany na poŭdzień ad Minska. Dalejšy los žyvioliny nieviadomy.