Jermakova: Źnizić staŭku refinansavańnia sioleta naŭrad ci ŭdasca
Źnizić staŭku refinansavańnia ŭ 2013 hodzie da zapłanavanych 13–15% naŭrad ci ŭdasca. Pra heta zajaviła staršynia praŭleńnia Nacyjanalnaha banka Biełarusi Nadzieja Jermakova padčas anłajn-kanfierencyi i pramoj telefonnaj linii ŭ BiełTA.
«Z vysokaj dolaj vierahodnaści možna kazać, što Nacyjanalnamu banku pryjdziecca padtrymlivać bolš vysoki ŭzrovień staŭki refinansavańnia, čym heta płanavałasia ŭ adpaviednaści z Asnoŭnymi napramkami hrašova-kredytnaj palityki na 2013 hod», — adznačyła kiraŭnik Nacbanka, zakranajučy prahnoz na kaniec hoda.
U pačatku vieraśnia adnaviŭsia pieratok rublovych układaŭ u valutnyja depazity, jaki naziraŭsia ŭ červieni-lipieni.
Heta zapatrabavała dadatkovych mier z boku Nacyjanalnaha banka, u tym liku pa dalejšym pavyšeńni dachodnaści rublovych depazitaŭ.
Apošni raz Nacbank źnižaŭ staŭku refinansavańnia 10 červienia — na 1,5 pracentnaha punkta da 23,5%.