Pastaŭki biełaruskaha kaliju praz kłajpiedski port skaracilisia ŭ dva razy
Litoŭcy adznačajuć, što popyt na biełaruskija ŭhnajeńni pačaŭ padać jašče da pačatku biełaruska-rasijskaha kalijnaha kanfliktu.
Pastaŭki biełaruskaha kaliju praz kłajpiedski port skaracilisia ŭ žniŭni ŭ dva razy. Pra heta paviedamiŭ dyrektar pa markietynhu i administracyjnych pytańniach porta ŭ Kłajpiedzie Artur Drunhiłas.
Jon udakładniŭ, što praz port Kłajpiedy adhružajucca nie tolki biełaruskija ŭhnajeńni. Jość taksama krychu rasijskich i litoŭskich. Ale asnovu, viadoma, składajuć biełaruskija.
I źnižeńnie adhruzak u dva razy źviazanaje mienavita ź biełaruskimi prablemami.
Artur Drunhiłas: «U hetym hodzie abjomy pieravozak uhnajeńniaŭ praz naš port źnizilisia. U apošni miesiac źnižeńnie bolš značnaje, viadoma, ale abjomy adhruzak źnižalisia z samaha pačatku hoda. Ličby ŭ nas pa sypučych uhnajeńniach, uklučna z našymi uhnajeńniami, rasijskimi i vašymi biełaruskimi. Źnižeńnie za minuły miesiac na 54,7%. I hetaje źnižeńnie ŭ asnoŭnym za košt kalijnych uhnajeńniaŭ».