Paziachańnie — dobry znak
Ludzi, zdolnyja spačuvać, zarazna paziachajuć u try razy čaściej za ludziej ź mienš vyražanymi kamunikatyŭnymi schilnaściami.
Schilnyja da zaraznaha paziachańnia (kali nieadolnaje žadańnie paziachnuć moža być padchoplenaje inšymi) nadzielenyja vysokaj stupieńniu empatyi, to bok zdolnaści pranikacca pačućciami inšych.
Niahledziačy na toje, što ŭsie pazvanočnyja paziachajuć, efekt zaražalnaści hetaj źjavy prajaŭlajecca tolki ŭ ludziej, šympanze i niekatorych inšych małpaŭ. Miarkujecca, što zaraznaje paziachańnie źjaviłasia ŭ pracesie evalucyi jak srodak hramadzkaj kamunikacyi.
Ludzi, zdolnyja spačuvać, zarazna paziachajuć u try razy čaściej za ludziej ź mienš vyražanymi kamunikatyŭnymi schilnaściami.
Inšaje daśledvańnie śćviardžaje, što ludzi, jakija paśpiachova avałodvajuć systemnym padychodam abo razumiejuć hłybiniu taho ci inšaha pracesu, vielmi časta nia mocna zdolnyja da spačuvańnia.
Hipoteza była pravieranaja na 40 studentach-psycholahach i 40 studentach-inžynerach. U siarednim, pieršyja paziachali 5,5 razy ŭ paraŭnańni z 1,5 paziachańniami inžyneraŭ.