Čarhovy vypadak u minskim mietro
Na stancyi mietro «Pieršamajskaja» druhoj linii Minskaha mietrapalitena ranicaj u čaćvier pažyły mužčyna, spatyknuŭšysia, zvaliŭsia na rejki, jon nie paciarpieŭ, paviedamlaje Minskaje haradskoje ŭpraŭleńnie MNS u svaim tvitary.
Vypadak adbyŭsia ŭ 10:17, staromu čałavieku 90 hadoŭ. Jaho apieratyŭna dastali rabotniki mietro.
Nahadajem, što pačynajučy ad paniadziełka ŭ minskim mietro fiksujucca roznyja incydenty.
U paniadziełak u mietrapalitenie prachodzili antyterastyčnyja vučeńni, u pryvatnaści, sumki pasažyraŭ vybaračna dahladała milicyja, a ŭ druhoj pałovie dnia na niejki čas była zakryta stancyja «Płošča Jakuba Kołasa». Tajamničaść i adsutnaść aficyjnych kamientaroŭ ledź nie spravakavała paniku siarod haradžanaŭ.
U aŭtorak, 24 vieraśnia, adbyłosia zadymleńnie na stancyi «Uschod», ciahniki nie chadzili prykładna paŭhadziny
U sieradu, 25 vieraśnia, sapiory vyjazdžali na stancyju mietro «Traktarny zavod»: niechta pakinuŭ tam skryniu ź jabłykami. A na stancyi «Akademija navuk» na rejki zvaliłasia žančyna. Na niekatory čas byŭ prypynieny ruch ciahnikoŭ na pieršaj linii.