Čas nia spynicca paśla vybaraŭ
Na barysaŭskim aŭtavakzale sustreŭ znajomuju, ź jakoj nia bačyŭsia bolš za hod. Ja viedaŭ hetuju panienku jak pryncypova biełaruskamoŭnuju, jakaja ŭ svoj čas navat papikała mianie za ŭžyvanuju trasianku. Ciapier heta rasiejskamoŭnaja zadavolenaja žyćciom junačka, što na ŭsie pytańni adkazvała pa-čužomu. «Čamu?» – «Novyje druźja, novyje intieriesy». Akazvajecca, što j palitykaj užo nie cikavicca, a hod tamu stajała ž na Kastryčnickim placy, pratestujučy suprać «vynikaŭ» referendumu.
Na barysaŭskim aŭtavakzale sustreŭ znajomuju, ź jakoj nia bačyŭsia bolš za hod. Ja viedaŭ hetuju panienku jak pryncypova biełaruskamoŭnuju, jakaja ŭ svoj čas navat papikała mianie za ŭžyvanuju trasianku. Ciapier heta rasiejskamoŭnaja zadavolenaja žyćciom junačka, što na ŭsie pytańni adkazvała pa-čužomu. «Čamu?» – «Novyje druźja, novyje intieriesy». Akazvajecca, što j palitykaj užo nie cikavicca, a hod tamu stajała ž na Kastryčnickim placy, pratestujučy suprać «vynikaŭ» referendumu.
Niejak usio mieniej biełaruskamoŭnych maich adnahodak. Hladziš na hetych «zubraniat», a ŭsie mižsobku pa-rasiejsku pieramaŭlajucca. Zahavoryš na matčynaj movie – i nia kožny padchopić. Toje samaje sa zborščykami podpisaŭ za Alesia Milinkieviča.
Nacyjanalny ruch, prynamsi ŭ pravincyi, praciahvaje drabnieć. Zmahańnie ciapier nie ŭ pašanie. Bolšaść tłumačyć adychod ad biełaruskich spravaŭ tym, što dla ich siamiejnych tut niama nijakaha dabra. Chiba heta dobra, što małoje dzicia nia moža naviedvać biełaruskamoŭny sadok, a nadpis na rodnaj movie na mahile – heta ŭžo vyklik? Sapraŭdy, nichto tabie nie nabudzie kvateru ci samachod, kali ty budzieš stajać u pikiecie i razdavać ulotki. Spažyvizm siońniašnich biełarusaŭ paprostu ŭražvaje. Patrebnyja niejkija duchoŭnyja aryjenciry dla ŭsioj nacyi. A jany navidavoku: mova, viera, svaboda.
Čas nia spynicca paśla vybaraŭ. Sumlenna ŭmacoŭvaj svaju dzialanku – i čas pieramien abaviazkova prydzie. Nacyjanalny ruch stanie rucham mocnym.